Թ.Հ.Թ. ԹԵՄԱԿԱՆ ԽՈՐՀՐԴԻ ՆԱԽԱՁԵՌՆՈՒԹԵԱՄԲ՝ԿԱՅԱՑԱՒ «ՍԱՍՈՒՆ» ՄԱՆԿԱՊԱՐՏԷԶԻ ԵՒ «ԹՈՒՆԵԱՆ» ՏԱՐՐԱԿԱՆ ԱՂՋԿԱՆՑ ԴՊՐՈՑԻ ԿԱՌՈՒՑՒԵԼԻՔ ՇԷՆՔԻ ՀԻՄՆՕՐՀՆԷՔԸ

Հինգշաբթի, 1 յուլիսի 2010 թ.

Հինգշաբթի յուլիսի 1-ին ներկայութեամբ Թեհրանի Պատգամաւորական ժողովի, Թեմական եւ Կրթական խորհուրդների անդամների, Ազգային մարմինների անդամների եւ հայրենակիցների ,Թեհրանի «Սասուն» հայահոծ քաղաքամասում տեղի ունեցաւ «Սասուն» մանկապարտէզի եւ «Թունեան» աղջկանց տարրական դպրոցի վերակառուցւող շէնքի հիմնօրհնէքը:

Հիմնօրհնէքը իրականացրին արժանապատիւ քահանահայրերը ապա՝ ծափողջոյների ներքոյ օրհնւած քարերը քաւորների ձեռամբ տեղադրւեցին վերակառուցւող դպրոցի շէնքի չորս անկիւններում: Օրւայ քաւորներն էին՝ Ազգային-հասարակական գործիչներ, Թունեան դպրոցի բազմամեայ տեսուչներ՝ պրն. պրն. Նորայր Էլսայեանը եւ Նորայր Շահնազարեանը եւ Թունեան դպրոցի առաջին ուսուցիչներ պրն. պրն. Նազար Շահվերդեանը ու Հրանդ Ներսիսեանը:

Թունեան դպրոցը կառուցւել է 1950 թւականին երբ Հայաստան ներգաղթելու պրոցեսը դադարեց ու Իրանի տարբեր շրջաններից Թեհրան ժամանած հայ ընտանիքները հաստատւեցին Նարմաք- Զարքէշ թաղամասերում որը հետագայում անւանւեց «Սասուն» քաղաքամաս: Այն ժամանակ էլ մէկը միւսի յետեւից հիմնւեցին քաղաքամասի եկեղեցին, դորոցը եւ ազգային այլ կառոյցներ:

Հարկ է նշել որ 2008 թւականին Արամ Ա Վեհափառի Իրան կատարած այցելութեան ընթացքում, մեծ շուքով տօնւեց դպրոցիս 50 ամեայ յոբելեանը նաեւ Վեհափառի ձեռամբ եւ օրհնութեամբ սկիզբը դրւեց «Սասուն» մանկապարտէզի եւ «Թունեան» աղջկանց տարրական դպրոցի շինարարական աշխատանքների:

■ Այս լուրը դիտւել է 131 անգամ: