Երեքշաբթի, 15 յունիսի 2010 թ.
Այսու յայտնում ենք մեր սիրելի ժողովրդի զաւակներին, որ երկուշաբթի 14 յունիս 2010-ի առաւօտեան թեմիս առաջնորդ Գերշ. Տ. Սեպուհ Արք. Սարգսեան ընկերակցութեամբ Իրանի Իսլամական Խորհրդարանի երկու հայ պատգամաւորներին՝ Պրն. Գէորգ Վարդանեանին եւ Պրն. Ռոբերտ Բէգլարեանին եւ Կրօնական ու Թեմական Խորհուրդների ատենապետներին՝ Արժ. Տ. Վարազդատ Աւ. Քհնյ. Տէրտէրեանին եւ Դոկտ. Օրդ. Աիդա Յովհաննիսեանին այցելեց Երկրի Գերագոյն Ատեանի (دیوان عالی کشور) նախագահ Այաթոլլահ Ահմատ Մոհսէն Գարաքանիի:
Գերագոյն Ատեանի յարգարժան նախագահը իր անմիջական օգնականների հետ յարգալից սիրով ու ազնւութեամբ ընդունեց Սրբազան Հօր եւ իր ընկերակիցներին եւ իր ուրախութիւնը յայտնեց այս այցելութեան առիթով. իր կարգին Առաջնորդ Սրբազան Հայրը իր գոհունակութիւնը յայտնեց յարգարժան նախագահի անկեղծ ու հարազատ ընդունելութեան համար, կարեւորեց նման հանդիպումների այժմէականութիւնը, փոխադարձ յարաբերութիւնների առաւել սերտացման եւ գործերի յաջող ընթացքի համար:
Այնուհետեւ յարգարժան պատգամաւորներն ու Թեմական եւ Կրօնական Խորհուրդների ատենապետները իրենց կարգին դատական որոշ հարցերի հետ կապւած լուսաբանիչ բացատրութիւններ տւին:
Գերագոյն Ատեանի յարգարժան նախագահն ու իր տեղակալները անկեղծ ու անվերապահ հասկացողութիւն ցուցաբերեցին եւ յայտնեցին որ իրենք ամէն պարագային հետամուտ են լինելու հայ համայնքի կրօնական իրաւունքների պահպանման եւ ճիշդ գործադրման ընթացքին:
45 րոպէ տեւող ընդունելութիւնը անցաւ շատ յարգալից, սրտբաց ու անկեղծ մթնոլորտում:
ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ
■ Այս լուրը դիտւել է 97 անգամ:
Հինգշաբթի, 19 օգոստոսի 2010 թ.
Այսու Իրանահայ համայնքի զաւակներին տեղեկացնում ենք, որ Մաշհադի հայոց գերեզմանատան տարածքի մի մասը յայտնւել է քաղաքապետարանի քաղաքաշինութեան բարեկարգման կարգավիճակում: Առ այդ հայոց գերեզմանատան որոշ մասի թւով 18 շիրիմաքարեր փոխադրւելու են գերեզմանատան տարածքի վերին բաժինը:
Ուստի այն բոլոր հայրենակիցները, որ ցանկանում են իրենց ննջեցեալ հարազատների աճիւնները եւ շիրիմաքարերը փոխադրել որոշւած տեղը կարող են սոյն յայտարարութեան հրապարակման թւականից սկսեալ մինչեւ 2.9.2010 թւականը դիմել Թեհրանի հայոց ...
Դիտել ամբողջութեամբ