Երեքշաբթի, 16 մարտի 2010 թ.
Երկուշաբթի 15 մարտ 2010-ին Սրբոց Թարգմանչաց եկեղեցու Շաղուլեան սրահում տեղի ունեցաւ Թեհրանի հայոց թեմի քահանայից եւ սարկաւագաց միօրեայ համագումար կազմակերպութեամբ թեմիս Կրօնական Խորհրդի եւ հովանաւորութեամբ թեմիս առաջնորդ Գերշ. Տ. Սեպուհ Արք. Սարգսեանի:
Համագումարի գլխաւոր թեման էր «ճանաչենք մենք մեզ, իբրեւ հոգեւոր սպասաւորներ»:
Առաւօտեան Սրբոց Թարգմանչաց եկեղեցում տեղի ունեցաւ Արեւագալի ժամերգութիւն, որից յետոյ համագումարը սկսեց իր աշխատանքներին:
Սրբազան Հօր Տէրունական աղօթքից եւ «զգործս ձեռաց մերոց» մաղթանքից յետոյ Արժ. Տ. Վարազդատ Աւ. Քհնյ. Տէրտէրեանն բացումը կատարեց համագումարին: Արժ. Տէր Հայրը նախ բարի գալուստ մաղթեց բոլորին, իր ուրախութիւնը յայտնեց սոյն համագումարի համար եւ յիշեցրեց մի անգամ եւս նման համագումարների կարեւորութիւնը յատկապէս հոգեւորականների կեանքում: «մենք բոլորս, ասաց Տէր Հայրը, կարիքը ունենք վերանորոգութեան եւ Աստծու խօսքով լիցքաւորման»: Իր խօսքի վերջին մասում երախտագիտութեամբ շնորհակալութիւն յայտնեց Առաջնորդ Սրբազան Հօր որ միշտ նախաձեռնող է նման համագումարներին եւ ապա հրաւիրեց Արժ. Տ. Կոմիտաս Քհնյ. Ղարախանեանը ներկայացնելու Աւետարանի սերտողութիւնը:
Արժ. Տ. Կոմիտաս քահանան նախ ուրպէս Սրբոց Թարգմանչաց եկեղեցու հովիւ բարի գալուստ մաղթեց բոլորին եւ ապա ներկայացուց իր սերտողութիւնը «բարի Սամարացու» առակը:
Տէր Հայրը նախ բացատրեց առակին կրօնական իմաստը ապա շեշտեց իրական բարեգործութեան կարեւորութիւնը մատնանշելով որ քրիստոնէութիւնը կեանք է եւ հետեւաբար վաւերական բարեգործութիւնն ու բարեկամութիւնը կեանքով պէտք է արտայայտել:
Համագումարի գլխաւոր թեման՝ ճանաչենք մենք մեզ իբրեւ հոգեւոր սպասաւորներ, ներկայացրեց Սրբազան Հայրը:
Սրբազան Հայրը նախ հանգամանօրէն անդրադարձաւ քահանայական առաքելութեան եւ կոչումին, մատնանշելով յատկանիշները իրական հոգեւոր հովիւին եւ ապա կարեւորութեամբ անդրադարձաւ այն իրողութեան որ եկեղեցին այսօր անհրաժեշտ կարիքը ունի աւետարանական հասկացողութեամբ քահանաների որոնք պիտի կարողանան ե՛ւ հոգեւոր սնունդ մատակարարել իրենց հօտին ե՛ւ տէր կանգնեն այսօրւայ նոր սերունդին:
Իր խօսքի մի այլ բաժնում Սրբազան Հայրը անդրադարձաւ քահանայական ասպարէզում յայտնւող դժւարութիւններին, որոնց սակայն քահանան պիտի յաղթի իր հաւատքով, գործելու անխախտ կամքով, որպէսզի կարողանայ իր ժողովուրդը առաջնորդել դէպի խաղաղ նաւահանգիստ:
Կէսօրւայ հաւաքական ճաշից յետոյ համագումարը շարունակեց իր աշխատանքները: Այս բաժնում խօսւեց գործնական խնդիրների, ծառայութեան բազմազան կերպերի եւ յարաբերութիւնների մասին:
Վերջում Սրբազան Հայրը իր եզրափակիչ խօսքում նախ գնահատեց բոլոր ներկաներին իրենց մասնակցութեան համար, ապա գնահատեց Սրբոց Թարգմանչաց եկեղեցու եկեղեցական Խորհուրդն ու Եկեղեցասէր Կանանց Միութիւնը որ ամէն ինչ արել էին համագումարի աշխատանքների հեզասահ ընթացքի համար:
Համագումարն աւարտւեց Սրբազան Հօր «պահպանիչով»:
■ Այս լուրը դիտւել է 188 անգամ:
Հինգշաբթի, 19 օգոստոսի 2010 թ.
Այսու Իրանահայ համայնքի զաւակներին տեղեկացնում ենք, որ Մաշհադի հայոց գերեզմանատան տարածքի մի մասը յայտնւել է քաղաքապետարանի քաղաքաշինութեան բարեկարգման կարգավիճակում: Առ այդ հայոց գերեզմանատան որոշ մասի թւով 18 շիրիմաքարեր փոխադրւելու են գերեզմանատան տարածքի վերին բաժինը:
Ուստի այն բոլոր հայրենակիցները, որ ցանկանում են իրենց ննջեցեալ հարազատների աճիւնները եւ շիրիմաքարերը փոխադրել որոշւած տեղը կարող են սոյն յայտարարութեան հրապարակման թւականից սկսեալ մինչեւ 2.9.2010 թւականը դիմել Թեհրանի հայոց ...
Դիտել ամբողջութեամբ